चित्रकार तथा समाजसेवी बि.बि.खालिङ सोमवार, २०७२ श्रावण ०४ गते १८:०४

सोलुखुम्बु जुभिङ ६ निवासी बि.बि.खालिङ भनेर चिनिने चित्रकार तथा समाजसेवी भक्त बहादुर राईसँग गरिएको कुराकानी : 
 
तपाई अहिले केमा व्यस्त हुनुहुन्छ ?
 चित्र बनाउनमै म प्रायः व्यस्त हुन्छु । यो नै मेरो दैनीकी हो । 
 
तपाईको वाल्यकाल कसरी वित्यो ?
 मेरो वाल्यकाल तनाव र छि छि सँग वित्यो । मेरो लागि वाल्यकाल त्यति सुखद थिएन । दुःखले हुर्केर्काे मान्छे हुँ म ।
 
तपाई किन चित्रकार नै बन्नुभयो  ?
 म आफूलाई चित्रकार भन्न सक्दिनँ । केवल पैसा कमाउने कामको खोजिमा सधैं जिरीदेखि नाम्चेसम्मको भरियाको काम गर्थें । साथै ट्रेकिङ्को भरियाले मात्रेै अमूल्य जिन्दगीको अर्थ नलाग्ने देखिए पछि जिन्दगीको जोखाना हेर्न थालें जहाँ नाम , दाम र काम एउटै पेसाले देओस् । एक दिन जोखाना खुट्यो मैले नाम , दाम र काम लिने पेसा हिमालको दृश्य क्यानभासमा उतारें । मैले हिमालका  दृश्य उतार्न सिक्नु नै मेरो धर्म ठानें । मैले भन्ने गर्छु दुःख जीवनको साथी हो , आज म जे छु दःुखको उपज हो । 
 
चित्रकार बन्ने प्रेरणा कोबाट पाउनुभयो ? 
 कृष्ण खालिङ र अर्जुन खालिङ मेरो प्रेरणाका स्रोत हुन् र उनीहरुबाट नै मैले चित्रकारिताको वीज पाएँ ।  
 
तपाईको विचारमा चित्र बनाउनु भनेको कस्तो खालको कला हो ? 
हामीले चित्र बनाउने दृश्यचित्र हो । चित्र बनाउनु भनेको चाँहि भावना , कल्पना , आँखाले देखिएका नदेखिएका र संसारमा भएका नभएकाको पनि चित्र बनाउन सकिन्छ । त्यसैले चित्र बनाउनु भनेको समर्पण , भावना र कल्पनाबाट वस्तुको कलात्मक ढंगले मूर्त अभिव्यक्त गर्ने कला हो । 
 
तपाईले चित्र बनाएर के पाउनु भयो र के गुमाउनु भयो जस्तो लाग्छ ?
 चित्र बनाएर मैले एउटा काम पाएको छु । यो पेसामा लागेर गाँउ घरमा मान सम्मान पाएको छु । धेरै कुरा मसँग जोडिएको मैले चित्र बनाएर केही पनि गुमाएको छैन बरु जिन्दगीको आधा मोडमा नै आदरणीय बुबाआमा र देव्रे ज्योती गुमाएको छु । 

 तपाईको चित्रकारिताबाट तपाई आफू कत्तिको सन्तुष्ट हुनुनुन्छ ?
 व्याबहारिक क्षेत्रको हिसाबमा शत प्रतिशत सन्तुष्ट छु तर सृजनाको कुरा गर्ने हो भने सिक्ने क्रम निरन्तर चलिरहे कै छ ।

तपाई आफ्नो कार्यव्यस्तता सँसँगै समाजसेवाको बाटो पनि अगाल्नुभएको देखिन्छ । वास्तवमा समाजसेवा के हो ?
 मानव जीवनमा समस्या र चुनौतीहरु हजारौं मात्रामा हुन्छन् । समाजसेवा गर्ने व्यक्तिसँग पनि उस्तै समस्याहरु हुन्छन् । तर पनि आफ्नो समस्या हुदाहुदै पनि सामाजिक समस्यालाई पनि आफ्नै समस्या ठानेर सामाधान गर्नु नै समाज सेवा हो ।

तपाई कसरी समाजसेवामा प्रेरित हुनुभयो ?
 समाज सेवा भनेको  कुनै ठेलागाडा होइन भित्र हृदयदेखि नै आउनु पर्छ । स्वस्फूर्त सेवाको भावना जागृत हुनुपर्दछ । मैले सम्झदा ममा १६-१७ बर्षको उमेरमा नै समाज सेवाको भाव देखा परेको रहेछ । त्यस बेला मैले दीपज्योती प्रा.वि.को निर्माण गर्दा जिम्मेवारीको नेतृत्वसँगै विना तलव शिक्षक भएर काम गरेको थिएँ । त्यो मेरो किशोरावस्थाको जोश मात्र रहेनछ । त्यो नै मेरो समाज सेवाप्रतिको पहिलो  आधारशिला थियो । पछि ३३-३४ बर्षको उमेरदेखि चाँहि पुनः सक्रियताका साथ समाजसेवामा आबद्घ छु ।
 
तपाईले समाजसेवाको बाटोमा के के गर्नु भयो ?
 दीपज्याति प्रा.वि.बनाउने सल्लाहदेखि भवन निर्माण भई नसक्दा चित्राको गोठ बनाएर बिना तलव सेवाको भावनाले पढाउने काम गरें । त्यसपछि समितिले महिनाको १८ सय दिएको थियो । मैले पढाएको बिद्यार्थीहरुले स्नातक तह सकाएका छन् । मैले समाजमा एउटा आशा लाग्दो सबैलाई समेट्न सक्ने संस्थाको आवश्यकता थियो । २०६८ सालमा सामाजिक अन्तक्र्रिया गराएँ र ‘ज्युव्युस एलाइन्स’ नामक संस्था गाउँमा स्थापना भयो । आजसम्म संस्थाको सल्लाहकार संयोजकको रुपमा काम गरिरहेको छु । विभिन्न अन्तक्र्रिया कार्यक्रममा पर्शुराम खालिङले केही सहयोग गर्नुभयो । दर्शकहरुलाई पनि खाजा पानीको व्यवस्था समेत गरेका थियौं । पाँच सय जनाको उपस्थितिमा ६३ हजार रुपियाँको लागतमा कार्यक्रम सम्पन्न भएको थियो । वि.स. २०६९ सालमा व्रेडाँडामा भुमेस्थान जिर्नोद्वार गर्ने निर्णय गरियो । जनजाति लक्षित वर्गको रकम साथै श्रमदान र मैले २५ हजार रुपैया नगद समेत सहयोग गरें । २०७० सालमा “खालिङ जातिको पहिचान ! स्वर्णिम समाजको रुपान्तरण !! ज्युव्युस एलाइन्सको अभियान !!!” भन्ने नारा मैले नै तयार पारेको हँु र यो संस्थाले निर्णय पारित ग¥्यो । उक्त कार्यक्रम ७५ हजारकोे लागतमा सम्पन्न भयो । वि.स. २०७० को हिउँदमा जुभिङ –२ स्थित ‘खरकोक्दे’ भन्ने ऐतिहासिक ठाउँको खोज र पुनः स्थापना ग¥यौँ । त्यसको लागि २० हजार खर्च गरेको छु । अझै पूर्ण भएको छैन । २०७१ सालमा  जुभिङ – ६ ल्पेदेलमा भूमेस्थानमा पुरै भूईमा ढुङ्गा बिछ्याउने काम सम्पन्न भएको छ । त्यो काम २ लाख ३८ हजार रुपैयाको लागतमा सम्पन्न भएकोे थियो । अब जुभिङ – ४ को भूमेस्थान बनाउने योजनामा छौं । जुभिङ– मा.वि.मा दुई कोठे शौचालय बनाउदै छौं । जसमा २ लाख ७५ हजार लाग्ने अनुमान छ ।  त्यसमा  आर्थिक सहयोगका लागि ५५ हजार ५ सय ५५ रुपैयाँ बोलेको छु । जनकल्याण प्रा.वि.को लागि बुबा, आमाको नाममा १० हजारको अक्षयकोष खडा गरेको छु । हाल म यसरी  समाजसँग आबद्घ भएर काम गरिरहेको छु । यहाँ पैसाको सवाल होइन महत्वपूर्ण कुरा विचार हो । र अबको दिनमा समाजलाई दिने नेतृत्व उच्च कोटीको हुनु जरुरी छ । 
 
तपाईले समाजसेवा गर्दा आफ्नो परिवार र समाजबाट कस्तो खालको   प्रतिक्रिया पाउनुभयो  ?  कसरी सहयोग    पाई राख्नुभएको छ ?  
मैले ज्यादै राम्रो उत्साह र सहयोग परिवार र समाजवाट पाएको छु । केही न केही गर्नु पर्ने जिम्मेवारी मरो काँधमा छ  । सम्पूर्ण गाउँलेहरुले केही अपेक्षा गरेको र उहाँहरुको आशा निराशामा बदल्न हुन्न भन्ने मैले राम्रोसँंग बुझेको छु । परिवारमा पनि बढी सामाजिक कुराकानी नै भईरहन्छ । हामी परिवार नै समाजप्रति वफादार छौं । त्यही भएर यि सबै पक्षसँग राम्रो तालमेल मिलिरहेको छ । बाहिरबाट राजनीतिज्ञ , वुद्घिजिवी , शिक्षक र सबैबाट राम्रो सुभाव आईरहन्छ । मेरो निम्ति उहाँहरु हौसला दिई  रहनुहुन्छ । यसरी उचित सल्लाह पाएकोमा मैले आफूलाई सौभाग्यशाली ठानेको छु । 
 
तझ विश्वास र माया पाउनु भएकै छ । अबको समाजसेवामा कस्तो नीति लिनुभएको छ ? 
  
अबको दिनमा समाजसेवा मात्र गरेर पनि पुग्दैन र समाजले सधैं थैलो थापेर मात्रै पनि हुदैन । समाजमा राम्रो सामाजिक व्यवस्थापनको आवश्यकता देखेको छु । त्यसैले हामी जन्मिएको ठाउँमा रहांैला वा नरहौंला तर जुभिङ सधै रहिरहन्छ । त्यसो भएको हुदा जुभिङबासी जन्मिएको भुमिको शिर सधंै उच्च राख्ने अवसर मिलेको छ । यो कामको लागि समर्पित   भई रहने प्रण गरेको छु ।                                                         
तपाई राजनीतिमा पनि रहनु भएको देखिन्छ । तपाईलाई राजनीति के हो जस्तो लाग्छ ?
 विना राजनीति समाज , राष्ट्र र विश्व चल्न सक्दैन् । समाजको गाँस , वास र कपाससँग राजनीतिक सम्बन्ध छ । गर्नेले राजनीतिक फरक ढंगले गरे  मेरो बुझाईमा राजनीति सत्य सेवा गर्ने यान्त्रिक शक्ति हो ।

 राजनीतीमा कसरी प्रवेश गर्नु भयो? 
 सेवा र समाज एक सिक्काको दुुई पाटा  हुन् । जब समाजले विश्वास गरेपछि आशाको किरण देखा पर्दै गए, विकासका काम जोडिदै गए । यही क्रममा राजनीतितर्फ प्रवेश गरें । 

तपाई राजनीतिमा लागेर के गर्ने सुरमा हुनुहुन्छ ?
 समाजमा  जतिसुकै सेवा र धर्म गरे पनि त्यो कमै हुन्छ, अपुग हुन्छ । अहिले जसरी समाज सेवामा लागिरहेको छु त्यसरी नै सदाबहार लागिरहने छु । मेरो जन्म भूमिप्रति मेरो लगाब सधै उच्च रहने छ । 

तपाई चित्रकार , समाजसेवी , राजनीतिज्ञ , बुद्घिजिवी एउटै व्यक्ति हुनुहुन्छ , यि सवै पक्षसँग कसरी तालमेल मिलाउनु हुन्छ ?
 चित्र लेखन कोठामा गरिने काम हो । ‘नाम्चे आर्ट ग्यालरी’  नाम्चे बजारमा राखेको छु । पसल सिजनल भएको हुनाले समय निस्कन्छ । समाज सेवा र राजनीति एउटै गाउँ ठाउँमा गर्दै आएको छु । यसमा विचार चाहिन्छ । विचारलाई प्रयोग गर्दा बुद्घिजिवी जस्तो देखिन सक्ला । हामी प्रकृतिको उपहार हौं । त्यसैले लिनु भन्दा दिनु बेस ठान्दछु । समय मिलाउन सक्नु पर्छ । तालमेल मिल्छ । 

सामाजसेवामा राजनीति कसरी जोडिन आउछ् ?
समाजसेवा गर्नु एक किसिमको धर्म हो भने राजनीति वफादार पहरेदार संरक्षकको  भूुमिकामा जोडिएर आउछ । 
 
के समाजसेवामा राजनीति अपरिहार्य हो ? 
 संसारमा समाजसेवा मात्र गर्ने महान् व्यत्तित्वहरु छन् । राजनीति मात्र गर्नेहरु पनि छन् । समाज सेवामा राजनीति भन्दा राजनीतिमा समाजसेवा अपरिहार्य देखिन्छ । वास्तवमा राजनीतिमा समाजकल्याण सत्य सेवा चाहिन्छ । 

तपाईको अबको भावी योजना के छ?
 
गाउँको विकासमा दत्तचित्त भएर समाजको सेवक बन्ने बाटो खुलिसकेको छ । यसैमा मलाई सन्तुष्टि मिल्छ । त्यसैले यो भन्दा नयाँ केही पनि सोचिएको छैन । 
 
बि.बि. खालिङको विचारमा मानिस कसरी सफल बन्न सकिएला ?
 मेरो विचारमा इच्छाशक्ति विकासमा पहिलो  अनिवार्य सर्त हो । लगनशीलता, लक्ष्य प्राप्तिको निम्ति ज्यानको बाजी दोस्रो सर्त , दःुखमा नआतिने सुखमा नमातिने तेस्रो सर्त र अन्त्यमा धैर्यता महत्वपूर्ण गरी ४ सर्तहरुसँग सहमत हुनुपर्छ । 
 
 र अन्तमा हाम्रो प्रकाशोन्मुख पत्रिकालाई के भन्न चाहनुहुन्छ ?  
 हातेमु स्टारद्वारा प्रकाशन  हुन  लागेको पहिलो मुखपत्र ‘नव कान्ति’ आफैमा नामै काफि छ । यो अध्याँरोमा उज्यालोको खोजी गर्ने तपाईहरु स्टार परिवारलाई सदाबहार स्टार भइरहोस् र नयाँ स्टारको जन्म गर्नमा सधैं पे्ररित गरोस् । सफलताको शुभकामना छ । अन्त्यमा भाइहरु हुनुहुन्छ , सुरु गर्नुभयो अत्यन्त राम्रो काम सुरु गर्नु भयो , काम गर्न कहिल्यै नछोड्नुहोस् अवश्य फल मिल्छ । हामी भाग्यमानी हौं  । यो धर्तीमा केही छोडेर जाऊँ र महान् बनौँ । मैले सधैं यसै भन्ने गरेको छु । 
 
समस्याको जन्जिरभित्र जिउन तम्सिन्छ 
जसको निम्ति आफूलाई बिर्सिएर 
अरुको निम्ति साँचो अर्थले बाँच्न सिक्छ 
उसकै विर्ता हो यो संसार 
पक्कै नालायक र नामर्दको लागि होइन ।।
☞बि.बि.

प्रस्तुति: सोलु अनलाइन सहकर्मी कृष्ण खालिङको सहयोगमा अर्जुन राई


तस्विर: बि.बि.खालिङ


Share |
प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
 
 
   

अरु समाचारहरु :: अन्तर्वार्ता
1.   ‘बीस वर्षको उमेरमा बीस हजारबाट व्यवसाय सुरु गरेँ’
2.   चित्रकार तथा समाजसेवी बि.बि.खालिङ
3.   एकजना दिदी कम्मरमा हात हालेर बसिरहनुभएको........
4.   जहाँ समय दिन सकिन्न त्यहाँ प्रेम फ़स्टाउँदैन (डोल्मा शेर्पा)
5.   ५ कक्षा देखि नै गीत गाउन थालेकी थिए : शेर्पा गायिका पेम्बा छोटी शेर्पा
6.   एकल एल्वम लिएर आएको छु, स्रोताहरुले मायागरिदिनुस भन्न चाहन्छु
7.   कस्तो संसार बनाउँला भनेर हिँडेको, वामपुड्के भइयो !
8.   बाकी रहेको समय समाजसेवामा बिताउछु् : आङ कामी शेर्पा
9.   नेपाली संगीतलाई अन्तराष्ट्रियकरण गर्न सकिन्छ - गायिका एन्जेला सिं श्रेष्ठ
10.   सोलुबासीको सेवा गर्न स्वतन्त्र उम्मेद्वारमा उठेको छु, : सोनाम छिरीङ शेर्पा
11.   त्यतिबेला म प्रधानसेनापति भएको भए राजतन्त्र जाँदैनथ्यो: रुक्मांगद कटवाल
12.   नेपालको भविष्य पर्यटन पेसामा छ: निमा नुरु शेर्पा
13.   शेर्पा जाति प्रति गर्व लाग्छ: युनाइटेड शेर्पा किदुकका अध्यक्ष आङ ग्याल्जेन शेर्पा ।
14.   व्यवसाय होइन संगीत, एउटा सिर्जना हो; टुपेन मगर
15.   हाम्रो माग पुरा नभएसम्म आन्दोलन जारी रहने छ ः फुपु छेम्पे शेर्पा
16.   दुःखबाट नै सुखलाई अंगाल्न सकिन्छ : गायक गोम्बु शेर्पा
17.   आरोहीहरुको गाउँ थामे, आप्पा शेर्पा
18.   सकारात्मक सोच लिएर हिडे अवश्य सफलताको शिखरमा पुग्न सकिन्छ, चर्चित गायक मिङमा शेर्पा
19.   यसकारण पद त्याग गरें : बाबुराम भट्टराई
20.   संबिधान सभाको चुनाव एउटा नाटक मात्र हो, चुनाव सम्भब छैन: पासङ् शेर्पा
21.   मेहेनत र परिश्रम गरे अवश्य फल प्राप्त गर्न सकिन्छ । सिए पासाङ दोर्जी शेर्पा
22.   बिदेशी कम्पनिलाई नेपालमा ट्रेकिङ चलाउनु दिनुहुदैन:जिम्बा जाङ्बु शेर्पा
23.   पहिलो शेर्पा गायक भएकोमा मलाइ गर्व लाग्छ ।
24.   सोलुखुम्बुमा २१ करोड रकम जान बाँकी छ: महेन्द्र, टान अध्यक्ष
25.   सोलुखुम्बुको एसएलसी मर्यादित हुन्छ: जिशिअ
Results 59: You are at page 1 of 3

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

drupal analytics